Te Rori o te Whārua o Waimatā

Waimatā Valley Road to Waimatā Valley School Cycle Ride

Ko tēnei rori eke paihikara, 56km te roa, ka tīmata mai i Mangapapa, Tūranganui ka tae atu ki te awa o Waimatā me ngā wehenga ka rere haere i Te Whārua o Waimatā.

Mai i te rori o Ōmana huri whakatematau ki te rori o Te Whārua o Waimatā i mua i te taenga ki te Ngahere Rāhui o Kerei. He haerenga poupou engari he huarahi maene, otira ko ētahi wāhanga kei te whakatikatikangia. Gisborne Cycling Club facebook link

Ko te pikinga teitei, 140 mita, mai i ngā papatahi ki te tirohanga i te hiwi o Kerei, ara kei reira te tirohanga whakapaipai rawa atu o Tūranganui. He wāhi pai rawa atu ki te mātaki whetu, ā, ki te kore he marama ko te taone tēra o Tūranganui te mumura mai. 

Ki te tirohanga o tuawhenua, ka taka atu te rori ki te poari wai o te kōawa o Swell, he wehenga nō te awa o Waimatā. Ko te awa ake ka tūtaki ki te rori tata ki te 6 kiromita te tawhiti mai i te tirohanga. Kei raro iho, ka whai haere Te Awa o Waimatā i te rori o Mander me te rori o Riverside, kāre i whai i te rori o Te Whārua o Waimatā  i mua i te hononga ki te awa o Tūranganui tata ki te Wāpu o Tūranganui.